January 29, 2009
சாமான்யனும் உன்னதமானவனும்
லூமியர் சகோதரர்கள் ரயிலின் வருகையையும் பணி முடிந்து ஆலைத் தொழிளார்கள் வெளியேறுவதையும் முதல் முறையாகத் திரையிட்டுக் காட்டியதற்கும் ஹெக்கோடு பரிசோதனைக்கும் பெரும் வித்தியாசம் உண்டு. லூமியர் பிரதர்ஸ் இன்னதென்றே தெரியாத ஒரு வித்தையை நிகழ்த்திக் காட்டினார்கள். ஹெக்கோடு பரிசோதனை, சினிமா வளர்ந்து, உலகத் தரம் என்பதாக ஒன்று அதில் முகிழ்த்து, பெரும் மேதைகள் அந்தக் கலையில் உருவாகி, அவர்கள் கொடுத்த நல்ல படங்களை பாமர ஜனங்களுக்கு போட்டுக்காட்டிய நிகழ்வு. இதுவே பார்வையாளனின் தரத்தை நிர்ணயிக்கக்கூடிய ஆய்வு! ஆகவே இது முக்கியமானது.
அதே ஹெக்கோடு கிராமத்தில் இன்றைக்கு ஒரு பரிசோதனை செய்ய முயன்றால் கண்டிப்பாக அதைப் புறக்கணித்துவிட்டு வீட்டுக்குப் போய் டீவி பார்க்க ஆரம்பித்துவிடுவார்கள். காரணம் சினிமா என்கிற பெயரில் ராஜ்குமார் உள்ளிட்டவர்கள் அடித்த லூட்டிகள் எல்லாம் அவர்களின் மூளைக்குள் புகுந்து பாதாளச் சாக்கடை போல அடைத்துக்கொண்டிருப்பதுதான்.
கடந்த அத்தியாயத்தில் போதையையும் சினிமாவையும் கலந்து ஒருசில பதிவுகள் செய்திருந்தேன். நல்ல போதத்தோடு பார்க்கும்போது சகிக்காத குத்துப்பாட்டு, சண்டைக்காட்சி உள்ளிட்ட அபத்தங்கள் குடித்துவிட்டு போதையில் பார்க்கும்போது சிறப்பாக இருப்பதாகத் தோன்றுகிறது என்பதாக.
அதன் எதிர்ப்புறத்தை இப்போது பார்க்கலாம்.
Read more: http://www.uyirmmai.com/Uyirosai/Contentdetails.aspx?cid=859
January 21, 2009
சரக்கும் சினிமாவும்
தமிழ் அகம் வாழ் பெரும் தகைகள் சோம பானம் சுறா பானம் ஆகியவை அருந்தாமலே நெடிதுயிலாய்க் கொண்டுள்ள போதையே தமிழ் சினிமாவின் தரத்தைத் தீர்மானித்துத் தொலைக்கிறது.
இந்தக் கூற்றை என்னாலானமட்டும் விளக்கப் பார்க்கிறேன். பொதுவாக சரக்கு என்கிற வார்த்தை அதன் உண்மையான அர்த்தத்தையும் தாண்டி மதுவகைகளுக்கான மாற்றுப் பெயராக தமிழில் உருவெடுத்து வெகு காலமாகிறபடியால் அந்த அர்த்தத்தில்தான் இந்தப் பதம் உபயோகிக்கப்படுகிறது. ஆனால் திரையில் மதுவருந்துவதுபோன்ற காட்சி வந்தால் கீழே மது நாட்டுக்கு வீட்டுக்கு உயிருக்கு கேடு என்று வாசகம் ஓடவேண்டும் என்கிற ஆணைகள் குறித்தெல்லாம் ஆராய்கிற கட்டுரையல்ல இது.
அதேபோல் எந்தெந்த படத்தில் யார் யார் எப்படி எப்படி குடித்தார்கள் அல்லது குடித்ததுபோல நடித்தார்கள் அல்லது குடித்துவிட்டு வந்து குடிக்காதே என்று போதனை செய்யும் காட்சியில் நடித்தார்கள் என்கிற பட்டியலை வெளியிடுவதும் எனது நோக்கமன்று!
இந்தக் கட்டுரை ஒட்டுமொத்த போதை பற்றியது. அதாவது மாஸ் மப்பு பற்றியது.
Read more: http://www.uyirmmai.com/Uyirosai/Contentdetails.aspx?cid=837
January 13, 2009
சினிமாவின் மூன்றாவது முகம்
இதனால் பாரலல் சினிமா என்பது மொழிக்கு மொழி, நாட்டுக்கு நாடு வேறுபட்டுப் போவதும் இயல்பானதே! உதாரணமாக உன்னதமான யதார்த்த சினிமா என்று தமிழ்நாடு கொண்டாடும் ஒரு சினிமா மலையாளத்திலோ பெங்காலியிலோ கன்னடத்திலோ பாரலல் சினிமா என்பதாக அங்கீகரிக்கப்படலாம். பிரெஞ்ச்சிலோ ஈரானிலோ கமர்ஷியல் சினிமா என்பதாக ஒதுக்கப்படலாம்.
ஆகவே பாரலல் சினிமா என்பதே கலைஞர்கள் எதிர்கொள்ளும் பெரும் சவால். அதற்கு வணிக நோக்கமும் இருக்கிறது. அதே நேரத்தில் அது தரமாக இருக்கவேண்டியதும் அவசியமாகிறது. இது அவ்வளவு சாதாரணமான வித்தையல்ல.
Read more: http://www.uyirmmai.com/Uyirosai/ContentDetails.aspx?cid=808
January 06, 2009
சினிமாவின் இரண்டாவது முகம்
தர்மப்படி பார்த்தால் யதார்த்த சினிமாதான் சினிமாவின் முதல் முகமாக இருந்திருக்க வேண்டும். ஆனால் சினிமா என்பது சகலருக்குமான கலையாக உருவான வகையில் வர்த்தக சினிமா யதார்த்த சினிமாவை முந்திக்கொண்டு மூன்று நான்கு தப்படிகள் முன்னால் போய்விட்டது. நம் தாய்த்தமிழிலோ முந்த வேண்டிய அவசியம்கூட இல்லாமற் போயிற்று.
சினிமா என்பது கலையாக உருவாகாத காலத்தில் வெறும் ரயிலின் வருகையே பெரும் சலனத்தை ஏற்படுத்தியதாக லூமியர் பிரதர்ஸ் வரலாற்றிலிருந்து நாம் அறிகிறோம். ஒரு தொழிற்சாலையிலிருந்து பணியாளர்கள் வெளியேறும் காட்சியின் சலனமே பார்வையாளர்களை பெரும் அதிர்ச்சியிலும் ஆச்சரியத்திலும் உறைய வைத்த காலத்தை எப்போதோ சினிமா கடந்து வந்துவிட்டது. இருந்தாலும் இந்தத் தொடக்கத்தின் பிழையாலோ என்னவோ யதார்த்த சினிமாவை விடவும் பார்வையாளனை இருக்கை நுனிக்குத் தள்ளக்கூடிய பரபரப்பான வர்த்தக சினிமாவே அரியாசனத்தில் அமர்ந்து கோலோச்சுகிறது.
இருந்தாலும் உலக அளவில் யதார்த்த சினிமாவின் வருகையோ அதற்கான வரவேற்போ கொஞ்சமும் குறைந்திருக்கவில்லை என்பதே பேராறுதல்.
தமிழ் சினிமாவில் யதார்த்த சினிமாவை முயன்று பார்த்தவர் என்கிற பெருமை இயக்குனர் மகேந்திரனைத்தான் முதலில் சேர்கிறது. இருந்தாலும் அவரும் நல்ல யதார்த்த சினிமாவை நமக்கு வழங்கியிருக்கவில்லை.
Read more: http://www.uyirmmai.com/Uyirosai/Contentdetails.aspx?cid=781
January 01, 2009
சினிமாவின் மூன்று முகங்கள்
1. கமர்ஷியல் சினிமா
2. யதார்த்த சினிமா
3. பாரலல் சினிமா
இந்த மூன்றில் எது சரியானது எது பிழையானது என்று ஆராய்வது அவசியமற்றது. ஏனென்றால் இம்மூன்றின் தேவையுமே இன்றியமையாததுதான். இந்த மூன்றுமே ஒன்றோடு ஒன்று சளைத்தவை அல்ல. ஆகவே மூன்றிலும் நம் கண்களில் தென்படும் படங்களை விவாதத்துக்கு எடுத்துக்கொள்ளலாம். இவை மூன்றுமில்லாமல் வேறொரு கொடுமைகூட இருக்கிறது அதற்கு இரண்டு பெயர்கள் உண்டு. ஒன்று மசாலா சினிமா மற்றது இந்திய சினிமா!
Read more: http://www.uyirmmai.com/Uyirosai/Contentdetails.aspx?cid=753
December 23, 2008
மலையாள சினிமாவுக்கு ஒரு முன்னெச்சரிக்கை!
மலையாள சினிமாவுக்கு ஒரு முன்னெச்சரிக்கை!
'தமிழர்களுக்கு உங்கள் கதைகளை விற்காதீர்கள்!'
தமிழ் சினிமாவுக்கு ஒரு முன்னெச்சரிக்கை!
'மலையாளிகளிடம் கதை வாங்காதீர்கள்!'
இந்த இரண்டு எச்சரிக்கைகளையும் மீறுவதால் என்ன நடந்துவிடும்? பெரிதாக எதுவும் நடந்துவிடாது. 'மலையாளிகள் மேதைகள் என்பதையும் தமிழர்கள் தற்குறிகள் என்பதையும் உலகம் புரிந்துகொண்டுவிடும். அவ்வளவுதான்!'
Read more: http://www.uyirmmai.com/Uyirosai/Contentdetails.aspx?cid=723
December 16, 2008
சீட்டுக்கோட்டை சிங்காரம்!
எல்லிஸ் டங்கன் காலத்தில் கேமராவைப் பார்க்க விரும்பினால் ஸ்டுடியோவுக்குத்தான் போகவேண்டிய நிலை இருந்தது. கதைகளும், கோட்டைகளிலும் கொத்தளங்களிலும் ஐந்தாளுயரத் தூண்கள் சார்ந்த பகுதிகளிலும் நிகழ்வதாயிருந்தன. வெளிப்புறக் காட்சி தேவைப்படின் வண்டி வண்டியாக மணல் கொட்டப்பட்டு உருவாக்கப்பட்ட குளக்கரைகளிலும் செயற்கைப்புல் பதித்த நந்தவனங்களிலும் தங்கள் திறமையைக் காட்டினார்கள் தச்சர்கள். திரைச்சீலைகள் தத்ரூபமாக வரையப்பட்டன. நிலவும் மேகமும் வரைந்து வரைந்து அவர்கள் சோர்ந்துபோயிருக்கவேண்டும். திரும்பத்திரும்பத் தேவைப்படுபவையாக அவை இருந்த காலம் அது.
அத்திக்காய் காய் காய் என்று சிவாஜி பாடும்போது அந்தத் திரைச்சீலைக்கு முன்னால் ஓர் அறையின் சுவர் உருவாக்கப்படுகிறது. பாலாஜி பாடும்போது அதே திரைச்சீலைக்கு வேறொரு சுவரும் ஜன்னலும் தேவைப்படுகிறது. பாதி ஜன்னலை மூடிவைத்தால் பாதி நிலவு கேமராவுக்குத் தெரிகிறது. ஒரிஜினல் நிலவையும் கதவையும் வைத்து இப்படியொரு காட்சி எடுக்க வேண்டுமானால், ஒருசில கோவில்களில், வருடத்தில் ஒரு நாள் மாத்திரம் மூலஸ்தானம் வரைக்கும் சூரியன் நுழைகிறதே, அதுமாதிரி காத்திருக்கவேண்டும்.
Read more: http://www.uyirmmai.com/Uyirosai/Contentdetails.aspx?cid=693
December 08, 2008
காஸ்ட்யூமரை நிர்வாணமாக்கும் கலை!
நிர்வாணம் மிகமிக அழகானது அல்லது மிக மிக அசிங்கமானது. அதை எந்த வகைமையில் சேர்க்கலாம் என்பது சம்பந்தப்பட்ட உடலைப் பொறுத்தே அமைகிறது. சிங்கத்தின் நிர்வாணம் எவ்வளவு கவர்ச்சியாக இருக்கிறது! அதே நேரத்தில் கவர்ச்சி நடிகை ஷகீலாவின் நிர்வாணம் முழுமையாக உங்களுக்குக் காணக் கிடைத்தால் அது கண்டிப்பாக, கவர்ச்சிக்கு பதிலாகக் குமட்டலையே ஏற்படுத்தக்கூடும். ஏனென்றால் க்ளிவேஜின் பிதுங்கலில் உள்ள கவர்ச்சி, தொய்ந்த மார்பகங்களிலும் இடுப்புச் சதைகளிலும் இல்லவே இல்லை. இதுவே சினிமாவின் அடிப்படை மொழி!
Read more: http://www.uyirmmai.com/Uyirosai/Contentdetails.aspx?cid=635
December 04, 2008
அடி உதவுகிற மாதிரி
ப்ரூஸ்லீ நடித்து வெளியான என்டர் தி டிராகன், ஃபிஸ்ட் ஆஃப் ஃப்யூரி ஆகிய ஆங்கிலப் படங்களைத் தமிழ்ப்படங்கள் என்பதாகவே கொள்ளலாம். எம்ஜியார், சிவாஜி படங்களைவிட பிரமாதமாக அவை தமிழ்நாட்டில் ஓடின. அவற்றைப் பார்க்காத இளைஞர்களே அந்த சமயத்தில் இருந்திருக்க முடியாது.
வகைதொகையில்லாமல் அடிப்பதற்கு பதிலாக முறையாக அடிப்பதற்கு, 'வெறும் கரத்தால்' எனும் பொருள்படும் கராத்தே என்கிற கலை மூலமாக பெரும் விழிப்புணர்வை ஏற்படுத்திய படம் அது. அப்படி ஒரே அடியில் எதிரியை சாய்த்துவிட முடியுமா என்று கேட்டால் ப்ரூஸ்லீக்கு முந்தைய காலத்தில் முடியாது என்றுதான் யாரும் பதில் சொல்லியிருப்பார்கள். ஆனால் கூலி எனும் படத்தின் சண்டைக்காட்சிக்காக அமிதாப்பச்சனின் வயிற்றில் புனித் இஸார் குத்திய ஒரு குத்து அமிதாப்பை சாவின் விளிம்பிற்கே கொண்டுபோய் திரும்ப கொண்டு வந்து சேர்த்ததை யாவரும் பின்னாளில் வியக்கவே செய்தார்கள். அந்த அடியை வசதியில்லாத வேறு ஒருவர் வாங்கியிருந்தால் மகாபாரதத்திற்கு வேறு துரியோதனனைத்தான் தேடியிருக்கவேண்டும்.
Read more: http://www.uyirmmai.com/Uyirosai/Contentdetails.aspx?cid=606
November 25, 2008
காமெடியும் கீமாவடையும்!
கடந்த வாரம் சட்டக்கல்லூரி மாணவர்களின் கைவரிசை (உருட்டுக்கட்டை வரிசை?) குறித்து ஒரு ரவுண்டு புலம்பியிருந்தேன். சினிமா வார்த்துக் கொடுக்கும் வன்முறைக் காட்சிகள் இளைஞர்கள் மத்தியில் எவ்விதமான மனச்சிதைவை ஏற்படுத்துகின்றன என்கிற புலம்பல் அது! கடந்த இதழில் மாயாவின் கட்டுரையில் குறிப்பிட்டிருந்ததைப்போல அடி வாங்குபவன் நல்லவன் என்கிற மனநிலைதான் நமக்கு இப்போதும் இருப்பதற்கு மிக முக்கிய காரணமும் சினிமாதான் என்றே தோன்றுகிறது.
அடிப்பது உதைப்பது ஆகியவை ஹீரோக்களும் வில்லன்களும் அடியாட்களும் ஸ்டண்ட் மாஸ்டர்கள் உதவியோடு சாதிக்கும் கலை என்பதெல்லாம் சில ஆண்டுகளுக்கு முன்பு வரைதான். அதன்பிறகு டிரென்ட் மாறுகிறது! கௌண்டமணி செந்திலை உதைப்பதிலிருந்து இது தொடங்கியிருக்கலாம் (அல்லது பாரதிராஜாவின் 16 வயதினிலேயில் ரஜினிகாந்த் கௌண்டமணியை அடிப்பதிலிருந்து இது தொடங்கியிருக்கலாம். அந்த அடியைத்தான் கௌண்டர் போகிறவன் வருகிறவனுக்கெல்லாம் தவணை முறையில் கொடுத்துவந்தார் என்பதாகவும் கொள்ளலாம்).
read more: http://www.uyirmmai.com/Uyirosai/Contentdetails.aspx?cid=569
November 20, 2008
நான் மதிக்கும் கலைஞர்கள் செய்த பிழைகள்!
இதயத்தைத் திருடாதேயில் நாகார்ஜுன் ஒரு நோயாளி. தன் நோயை அறிந்துகொள்ளும் வரைக்கும் கல்லூரி கான்வகேஷனில் காம்பௌன்ட் சுவரைத் தாண்டி தாமதமாக நுழையும் அளவுக்குத்தான் இவரது மாணவ சேஷ்டை இருக்கும். ஆனால் உதயத்தில் அப்படியே தலைகீழ். ஆரம்பத்தில் மிக அமைதியான மாணவனாகத் தோற்றமளிக்கிற இவர், ஒரு பாய்லிங் பாய்ண்ட்டில் வெடித்து தன் சைக்கிளின் செயினை அறுத்தெடுக்கும்போது படம் வேறு தாளகதிக்குள் நுழைந்துவிடும். கல்லூரிக்குள் மாணவர்கள் மோதல் என்பது ரொம்பவும் அழுத்தமாக வெளிவந்தது அந்தப்படம் முதலாகத்தான் என்பதாகவே நினைக்கிறேன். மாணவர்கள் தங்களுக்குள் ஆயுதங்களால் தாக்கிக்கொள்வது, தாதாக்கள் கல்லூரிகளுக்குள் ஊடுருவுவது, அதற்குக் காரணமாக இருக்கும் மாணவர்கள் பிற்பாடு தாதாக்களாகவும் அரசியல்வாதிகளாகவும் மாறுவது என்பதாக ஒரு பேரமைப்பை எடுத்துக்காட்டிய படம் உதயம்...
read more: http://www.uyirmmai.com/Uyirosai/Contentdetails.aspx?cid=537
November 12, 2008
துடிக்கத் துடிக்க நடிக்க...
http://www.uyirmmai.com/Uyirosai/Contentdetails.aspx?cid=485
November 04, 2008
உலக சினிமாவுக்கான ஏணி!
நமது படங்கள் உலக தரத்திற்கு உயர்ந்து கொண்டிருக்கின்றன என்பதாக ஒரு மாயை உருவாகி வருகிற சூழலில் அது எந்த அளவுக்கு உண்மை என்பதை இந்த வார உயிரோசை தொடரில் முயன்று பார்த்திருக்கிறேன்.
சுட்டி இதோ: http://www.uyirmmai.com/Uyirosai/Contentdetails.aspx?cid=445
October 28, 2008
விருதோ விருது!
சுட்டி இதோ: http://www.uyirmmai.com/Uyirosai/Contentdetails.aspx?cid=412
October 22, 2008
முலைகளின் ரகசியம்!
இந்த ஆதங்கம் உலக சினிமா குறித்து எள்ளளவேனும் அறிந்த யாருக்கும் பொதுவானதுதானே!
இதுதான் எனது இந்தவார உயிரோசை பதிவுக்கான களம்!
தலைப்பு 'சினிமா பூதம்!'
சுட்டி: http://www.uyirmmai.com/Uyirosai/Contentdetails.aspx?cid=365
October 14, 2008
காதலில் விழுந்த சினிமா!
நீங்கள் எத்தனை பேரைக் காதலித்திருக்கிறீர்களோ எனக்குத் தெரியாது. நான் நாலைந்து பேரைக் காதலித்திருக்கிறேன். ஆனால் எனக்குள் இந்தக் காதல் என்கிற உணர்வு தானாக எழுந்ததா அல்லது அதை எங்காவது பார்த்து நான் கற்றுக்கொண்டேனா என்று கேட்டால் கண்டிப்பாக அதை எனக்குக் கற்றுக் கொடுத்தது செல்லுலாய்ட்தான் என்பதே தெளிவு. நீங்களும் யோசித்துப் பாருங்கள், உங்களுக்கும் இது புரியும்.
எனது இந்த வார உயிரோசை கட்டுரை இந்த விஷயத்தைதான் முன் வைக்கிறது.
தலைப்பு: 'காதல் இல்லாத சினிமா!'
சுட்டி இதோ: http://www.uyirmmai.com/Uyirosai/Contentdetails.aspx?cid=308
October 07, 2008
சினிமாவுக்கு இனியும் சென்சார் தேவையில்லை
இந்த வார உயிரோசையில் சினிமாவுக்கு சென்சார் தேவையா இல்லையா என்பதை பற்றிய எனது கருத்தினை எழுதியிருக்கிறேன். சென்சார் எனும் சவரக்கத்தி என்பது தலைப்பு. அனுப்பிய பிறகு அதைவிட நல்ல தலைப்பு ஒன்று தோன்றித் தொலைத்து. அதுதான் நீங்கள் இங்கே காண்பது.
'சினிமாவுக்கு இனியும் சென்சார் தேவையில்லை'.
இந்தக் கட்டுரையின் வாயிலாக சென்சார் என்பது எந்த பாலினத்தின் வெளிப்பாடு என்பதை கண்டடைய முடிந்திருக்கிறது. சுட்டி இதோ: http://www.uyirmmai.com/Uyirosai/ContentDetails.aspx?cid=267
September 30, 2008
சர்வம் ஹீரோ மயம்!
September 24, 2008
உயிரோசை உலா
மனுஷ்ய புத்திரனின் உயிரோசை இணைய இதழ் அசத்தலாக வந்துகொண்டிருக்கிறது. உன் தொடர் வருவதால் நீ அப்படித்தான் சொல்வாய் என்று சொல்பவர்கள் ஒரு நடை பொய் பார்த்து விட்டு சொல்லுங்கள். முக்கியமாக ஒன்றை இங்கே குறிப்பிட வேண்டும். இந்த வாரம் நான் எழுதியுள்ள கட்டுரையை வாசித்து பாருங்கள். இந்தக் கட்டுரையை வணிக இதழ்கள் வெளியிட விரும்புமா என்று கவனியுங்கள். அப்போதுதான் ஒரு நல்ல இணைய இதழின் முக்கியத்துவம் உங்களுக்கு விளங்கும். வெளிப்படையான எழுத்துக்களுக்கு தமிழில் சிற்றிதழ்களை விட்டால் வேறு புகல் இல்லை. இணையத்திலோ யார் வேண்டுமானாலும் எழுதலாம் என்கிற சுதந்திரம் இருப்பதால் பெரும்பாலான எழுத்துகள் விளையாட்டாகவே பதிவாகின்றன. உயிரோசை மாதிரியான பரிபூரண இணைய வார இதழ் இதுவரை வந்ததில்லை என்பதாகவே தோன்றுகிறது. இதழ் அச்சுக்கும் தாவும் நாளை ரொம்ப ஆசையோடு எதிர்பார்க்கிறேன். என் இந்த வார கட்டுரைக்கான சுட்டி: http://www.uyirmmai.com/Uyirosai/Contentdetails.aspx?cid=199
September 16, 2008
புதிய இணைய இதழ்! புதிய கட்டுரைத் தொடர்!
நண்பர் மனுஷ்ய புத்திரன் புதிதாக ஓர் இணைய வார இதழ் ஆரம்பித்திருப்பது உங்களுக்கு ஏற்கனவே தெரிந்திருக்கலாம். தெரியாது என்றால் தெரிந்து கொள்ளுங்கள். அவரது www.uyirmmai.com இல் அதற்கான சுட்டி கிடைக்கும். வார இணைய இதழின் பெயர் உயிரோசை.
இந்த இதழில் தமிழ் சினிமா பற்றி ஒரு தொடர் எழுத முடியுமா என்று என்னிடம் கேட்டார். என்ன ஒரு தைரியம் பாருங்கள். யாரைப் பார்த்து என்ன கேட்பது என்று ஒரு விவஸ்தை வேண்டாம்? நான் blog எழுதுகிற லக்ஷ்ணமே நீங்கள் எல்லாம் அறிந்த ஒன்றுதானே. அறியாவிட்டால் என் பதிவுகளுக்கு இடையேயான கால அவகாசத்தை ஒரு தரம் புரட்டி பாருங்கள். என் சுறுசுறுப்பின் வேகம் உங்களுக்கும் தெரிய வரும்.
இருந்தாலும் துணிந்து இறங்கிவிட்டேன் என்றுதான் சொல்ல வேண்டும். அவரிடமும் அதைத்தான் சொன்னேன். யாராவது கழுத்தில் கத்தியை வைத்தால்தான் எழுதவே செய்வேன் என்பதாக. அவர் நான் துப்பாக்கியே வைப்பேன் என்று சொன்னார். இங்கே நான் விளையாட்டாக இதைக் குறிப்பிட விரும்பவில்லை. ஓர் எழுத்தாளன் அதுவரைக்குமான அவனது சாதனைகளுக்காக கௌரவிக்கப்படும்போதுதான் அவனிடம் இருந்து மேலும் மேலும் நல்ல படைப்புருவாக்கங்கள் தோன்றக்கூடும். இந்த சோர்வை நான் கோபி கிருஷ்ணனிடம் பார்த்துத் தவித்துப் போயிருக்கிறேன்.
என் தொடரின் தலைப்பு 'தமிழ் சினிமா: அமுதும் நஞ்சும்.' (நஞ்சென்றும் அமுதென்றும் ஒன்று என்ற நாஞ்சில் நாடனின் தலைப்பிலிருந்து திருடப்பட்டது என்று உங்களிடம் யாராவது சொன்னால் அதை மறுக்க வேண்டாம்)
முதல் கட்டுரையின் தலைப்பு 'ஏன் எமது சினிமா சாகிறது?'
கட்டுரைக்கான நேரடி சுட்டி:http://www.uyirmmai.com/Uyirosai/ContentDetails.aspx?cid=158